Seminarios Rexionais

O Primeiro Seminario Rexional concibiuse como unha plataforma estratéxica de reflexión, debate e colaboración, co obxectivo de crear o SEALab, un laboratorio dedicado ao estudo e desenvolvemento de iniciativas relacionadas co mar e a conexión co turismo azul, a cultura, arquitectura, sostibilidade e formación profesional.

Este seminario presencial buscaba sentar as bases estruturais para o SEALab fomentando o intercambio de coñecemento e experiencias entre as partes interesadas que forman parte dos Grupos de Acción Rexional (RAGs).  Usouse unha metodoloxía participativa para identificar e analizar as mellores prácticas e os desafíos rexionais. Daquela integráronse na futura Plataforma virtual SEALab para facer posible o desenvolvemento de ferramentas innovadoras e solucións á medida para o sector marítimo. 

A estrutura do seminario consistiu en tres segmentos clave. O primeiro formábao o Socio Local, como entidade anfitrioa, que presentou o concepto e mais os obxectivos de SEALab, ao tempo que subliñou o seu papel como plataforma de cooperación transnacional. O segundo poñía en valor as mellores prácticas identificadas polos membros locais das RAG, co obxectivo de crear un repositorio de iniciativas replicables. Finalmente, o terceiro segmento centrouse nunha discusión colectiva dos desafíos rexionais e as necesidades futuras.

O Segundo Seminario Rexional representou un fito presencial significativo no proceso SEALab, posto que contribuíu ao desenvolvemento do Plan Estratéxico para a Cultura Marítima e o Turismo Azul no Espazo Atlántico. Congregou membros do Grupo de Acción Rexional, ás partes interesadas do ámbito socioinstitucional e representantes das comunidades locais, co fin de promover o diálogo estruturado, o intercambio de coñecementos e a reflexión colectiva no que respecta ao futuro da cultura marítima e o turismo azul sostible.

O principal obxectivo foi recoller achegas rexionais relevantes, identificar desafíos e oportunidades comúns, e contribuír a un marco de diagnóstico común que lles puidese dar forma a accións estratéxicas futuras. A metodoloxía colaborativa e participativa do  seminario deu pé á presentación e debate de experiencias, casos prácticos e de boas prácticas relacionadas co turismo azul, a arte e a cultura, a arquitectura, o mar e a sostibilidade, e a formación e profesionalización. Púxose o acento especialmente na identificación das fortalezas, debilidades, oportunidades e ameazas das rexións, o que permitiu a formulación de recomendacións de relevancia local e transnacional.

Neste contexto, o seminario deulle máis relevancia ao papel de SEALab como plataforma de cooperación, innovación e transferencia de coñecemento, en liña cos valores de sostibilidade, inclusión e enriquecemento cultural que sustentan o proxecto. As conclusións reflectíronse no informe anual conxunto para 2025, e contribuíron á consolidación máis ampla de SEALab como marco compartido para a acción, capaz de promover respostas integradas e sostibles para as necesidades das comunidades costeiras atlánticas.