Foros transnacionais

Os Foros transnacionais son eventos colaborativos deseñados para fortaleceren o compromiso dos Grupos de Acción Rexional e dos socios do proxecto, fomentando deste modo o intercambio de coñecemento dentro do marco de SEALabHaus. Estes foros celebraranse en diversas rexións, e neles abordaranse os cinco temas centrais do proxecto: Arquitectura (2024, UDC, Galicia), Mar e Sostibilidade (2024, UP, Portugal), Turismo Azul (2024, UBS, Francia), Arte e Cultura (2025, ULPGC, illas Canarias), e Profesionalización e Formación (2025, SETU, Irlanda).

Cada foro dura un día, e integrará a presentación de boas prácticas con actividades participativas mediante o uso de metodoloxías inclusivas como as mesas redondas e o mapeamento colectivo. Así mesmo, organizarase unha visita de campo complementaria para explorar exemplos relevantes de boas prácticas relacionadas co tema que se abordou no foro.

O obxectivo destes eventos é fomentar a integración de diversas perspectivas, a aprendizaxe multidireccional e a incorporación de experiencias locais ao desenvolvemento do proxecto, consolidando deste modo a Comunidade Atlántica e poñendo en valor o papel activo das rexións na súa evolución e sostibilidade.

PRIMEIRO FORO TRANSNACIONAL. ARQUITECTURAS DO MAR.

2024

I transnational forum. Architectures of the sea.

O obxectivo do “Primeiro Foro Transnacional” é proporcionarlles aos socios do proxecto SEALabHaus e aos participantes locais unha comprensión máis profunda das arquitecturas do mar, cunha especial énfase no contexto de Galicia, e nun sentido máis amplo, da costa Atlántica da España peninsular. Por mor do marco temporal, limitado a dous días, parece razoable concluír que o obxectivo inicial era demasiado ambicioso. Semellaría máis prudente centrarse nun espazo territorial máis reducido, liberando deste modo tempo que se podería dedicar a actividades participativas máis complexas e enriquecedoras. Sería vantaxoso usar dinámicas participativas que capitalicen a presenza de participantes locais versados en arquitectura, e de axentes con coñecemento do mar desde sectores diversos xunto con individuos das diferentes rexións atlánticas implicadas no proxecto SEALabHaus. Con todo, tamén é beneficioso ofrecer unha visión xeral das arquitecturas do mar noutras rexións co fin de identificar similitudes e diferenzas e facilitar a reflexión sobre estes aspectos.

Xa que logo, podemos tirar unha valoración positiva da evolución do Foro, en liña coa avaliación feita polos asistentes. Así mesmo, aprendéronse leccións para mellorar en ocasións futuras.

INFORME DE CONTIDO

NOTA DE PRENSA

CARTEL DO EVENTO

Foro

Visitas